روايهــ صداقهـ ثانويهـ ,,

تعريف بالشخصيات :
عائلة ابو سالم :
عبير : جميلة وما تسمح لأحد يدوس ع كرامتها وفي غالب أحداث القصة عمر عبير 18 سنة في صف ثالث ثانوي وهي وفيه محبوبة ممتازة
أبو سالم : يشتغل في شركة مرموقة وهو رئيس قسم من الأقسام يحب عياله ويموت فيهم .
أم سالم : تحب بناتها بشكل جنوني علاقتها مع زوجها شبه عادية وألزم ما عليها مكياجها .
سالم : أخو عبير بثالث متوسط .
ندى : أخت عبير أولى متوسط .
_____________

عائلة ابو خالد :
أبو خالد : يشتغل عسكري .
نجلاء : صديقة عبير ممتازة في الدراسة و مخطوبة والزواج بعد التخرج وقوية شخصية ودايم تفرض رايها .
أم خالد : دايما البيت حوسة وبربرة في التلفون .
خالد : متزوج وعايش ببريطانيا .
ماجد : أخو نجلاء برابع ابتدائي .
_______________

أثير : مغرورة ومتكبرة راسبة في ثاني وكملت في نفس دفعة عبير ونجلاء أم وجهين وما تحب إلا مصلحتها .

__________________
الجزء الأول :
طبعا نجلاء وعبير صديقات الروح بالروح وصداقتهم يحسدون عليها .
وفي الليل اتصلت أثير ع نجلاء .
أثير : آلو ..
أم خالد : نعم ..
أثير : ممكن أكلم نجلاء ؟
أم خالد : من أقول لها ؟
أثير : قولي لها وحدة من زميلاتها ..
أم خالد : والله ! تصدقين أحسبتس أختها , وش اسمتس ؟
أثير : اسمي أثير .
أم خالد : وش عايلتس ؟
أثير : هو تحقيق؟
أم خالد : بتجاوبين و إلا أسكر التلفون ؟
أثير : أقول يا خالتي ..
أم خالد : خالتي في عينتس .. وش يفكني منتس ؟
أثير : نادي نجلاء وتفتكين مني .
أم خالد : أعوذ بالله اصبري شوي .. نجلاء .. نجيلوه .. امشي بسرعة التلفون .
نجلاء : مين ؟
أم خالد : وحدة من زميلاتس تقول اسمها اثيروه
أثير : اسمي أثير مو أثيروه
أم خالد : أقول أنتي انطمي يالله يا نجلاء .
أثير : آلو ...
نجلاء : هلا كيفك ؟
أثير : الحمد لله أنت وش أخبارك ؟
نجلاء : بخير ... غريب اتصالكـ ..
أثير : لا غريب ولا شي بس ..
نجلاء : ايه ( بس ) هذي وش وراها .
أثير : صابر بينك وبين عبير شي .
نجلاء : لا ما صار شي ليه السؤال ؟
أثير : يعني أنتي وياها سمنة على عسل ؟!
نجلاء : خوفتيني ! أقول لكـ أيه ..
أثير : لا ولا شي ..
نجلاء : أجل ليه متصلة ؟
أثير : حبيت أسألك قصدي يعني فضولي
نجلاء : وليــــــــــه ؟ ليه السؤال ؟
أثير : ما أحب أفتن بين الصديقات .
نجلاء : وش صاير عبير مسوية شي ؟
أثير : ياربيه ! يا نجلاء لا تحرجيني
نجلاء : أقول جاوبي لا توصلك ضربة على وجهك .
أثير : نجلاء أقول لك يكفي ..
نجلاء : لازم تقولين لي
أم خالد : اخلصي يا نجيلوه أبي التلفون
نجلاء : يمه اصبري شوي بس
أثير : شكل أمك تبي التلفون يالله بااااي
نجلاء : بااي
أم خالد : عمى يعميتس ما بغيتي تخلصين كم قعدتي ؟
نجلاء : اقووول يمه كل يرى الناس بعين طبعه
أم خالد : الله ياخذتس وتردين بعد اوريتس باعلم ابوتس يا تبنة < أمها أخلاق
نجلاء : خلاص يمه والله توبة
أم خالد : قومي قامت عصبتس انا ما أحب اقعد وأنا أكلم إلا على هالكنبة وجيبيلي الحلى اللي على الدولاب امخمخ عليه .
نجلاء : طيب لا تصارخين .
وجابت نجلاء الحلى وتوها بتاكل حبة
أم خالد : لا تأكلييييييين لا يا حيوانة
نجلاء : يمه بس حبه باذوقه تكفيييييييين .
أم خالد : حبة وحدة بس
_______________
في بيت عبير ( رن التلفون ) :
أم سالم : عبير ردي ع التلفون .
ندى : ههههههههههههه
أم سالم : وش تضحكين عليه
ندى : عبير تصلي .
أم سالم : أجل ردي أنتي
ندى : وليه ما تردين أنتي أنتي جنب التلفون
أم سالم : ما تشوفين وجهي مليان كريم ؟
ندى : طيب .. آلو
أثير : آلو ممكن أكلم عبير؟
ندى : من أقول لها ؟
أثير : وأنتي وش دخل أمك يالعلة ؟
ندى : أنا علة ! طيب < طبعا أمهم مدلعتهم . ماما هذي تصارخ علي وتقول وش دخل أمك ؟
أم سالم : عطيني السماعة
ندى : بس ماما .. والكريم
أم سالم : ما عليك عطيني اياها وبس
ندى : خذي
أم سالم : تصارخين على بنتي وتقولين لها وش دخل أمك ؟ ما يكفي أنك أنتي اللي متصلة
أثير : آسفة آسفة آسفة
أم سالم :لا والله ! طيب من أنتي
أثير : أنا أثير تكفين عطيني عبير
أم سالم : خربتي كريمي وبس !
أثير : وشو ؟
أم سالم : انطمي أنتي ... عبير عبوووورة تعالي حبيبتي ...
عبير : نعم مامي وشفيكم من شوي لما ناديتوني كنت أصلي ترى والله ما سفهتك
أم سالم : ايه دارية عيوني بس فيه علة تبيك في التلفون ...
عبير : أوكي أوكي آلو..
أثير : هلا والله وش أخبارك ؟
عبير : معليش ما عرفتك ؟
أثير : طيب خمني ..
عبير : هدى !؟
أثير : لا
ندى : عبوورة ترى تقول أمي اسمها أثير
عبير : آه عرفتك هلا والله
أثير : طيب مين ؟
عبير : أثير
أثير : اشوى
عبير ’’ بالتغشيش ’’ : هاه وش عندك ؟
أثير : انتي مزعلة نجلاء بشي ؟
عبير : لا . ما أذكر شي , ليه ؟
أثير : هاه لا لا ولا شي
عبير : علينا ؟
أثير : الصراحة أنا ما احب أخرب بين الصديقات
عبير : يا أختي خوفتيني
أم سالم : عبير بسرعة خلصي الكوافيرة بتدق بعد شوي
عبير : ون مينت مامي بليز
أثير ’ مسوية تعرفين إنقليزي ’ : أوكي حبيبتي شكل أمك تبي التلفون باي
عبير : أثير أثير ( طوووط طوووووط << على أساس الخط انقطع ههههههه) أوووووووووووه .
________________________________
نهاية الجزء الأول
________________________________